U Hotelu Palas, u okviru programa Jazz Festivala nastupili su poznati inostrani izvođači poput sastava „Dusha Conection“, „World music of Nana“ kao i domaći jazz duet „Šule Jovović i Sanja Raičković“.

U nedjelju, 9. septembra, na terasi Palasa nastupiće poznata hrvatska jazz i rock pjevačica, Zdenka Kovačiček, jedna od značajnijih i eminentnijih osoba na hrvatskoj i bivšoj jugoslovenskoj muzičkoj sceni.

Sa trinaest godina svoju vokalnu karijeru započela je u duetu 'Hani', gdje je pjevala zajedno sa Nadom Žitnik. Nakon što se duet razišao, nastupala je po Evropi u raznim klubovima, gde je pjevala sa mnogim poznatim muzičarima (Bil Hejli, Kinks, INK Spots i drugi) i otkrila svoj talenat prema džezu, soulu i bluzu. Nakon toga počinje saradnju sa najboljim zagrebačkim džezerima Boškom Petrovićem, Miljenkom Prohaskom, Damirom Dičićem i mnogim drugima.

Tokom svoje muzičke karijere sarađivala je sa kultnim sastavima kao što su Nirvana (zagrebački trio), Tajm, Bijelo dugme, YU jazz-rock selekcija, dok saradnja sa Telephone blues bandom traje i danas.
Koncert Zdenke Kovačiček osim za goste hotela Palas, otvoren je i za javnost. Ulaz je slobodan, a početak je u 21 sat.