U holu škole održana je svečana dodjela diploma „Luča“, u prisustvu odjeljenjskih starješina, učiteljica, roditelja i učenika. Prigodni program oplemenile su nastavnice hora Magdijas, Školski hor uz pratnju nastavnika muzičke kulture Gorana Markovića na harmonici, kao i naš gost, nekadašnji učenik Nikola Karadžić.
Četiri učenice su dobitnice ovog prestižnog priznanja: učenica IX1 Jana Borović, učenice IX4 Sara Zeć i Tijana Kankaraš, te učenica IX5 Ester Jovović, kojima su njihove odjeljenjske starješine Gordana Vučetić, Dragica Zeković i Azra Zajmović poželjele puno uspjeha u daljem školovanju. Prisutne je pozdravila direktorica škole Nataša Radonić, koja je, osim dobitnica diplome „Luča“, nagradila i učenike koji su se istakli u sportu, umjetnosti ili predstavljali školu i osvajali nagrade i priznanja na brojnim državnim i međunarodnim takmičenjima.
