On je kao konkretne rezultate naveo to što ima pet zaštićenih parkova i spomenika prirode, 20 zaštićenih plaža te rezervat prirode Tivatska Solila.

“Ova područja su od ključnog značaja za očuvanje Jadrana – sa najvećom zajednicom zlatnih korala na malim dubinama i endemskom posidonijom, poznatom kao „pluća Mediterana“. Njihova zaštita je naš prioritet.Situacija na obali danas je mnogo bolja nego prije pet godina, jer je tada bilo previše nebrige. Ipak, postoji prostor za napredak i imamo obavezu da dodatno unaprijedimo stanje na terenu.

Naši kontrolori su svakodnevno na terenu, sprječavaju nelegalne radnje i edukuju korisnike i mještane o značaju zaštite prirode”, naglasio je Mikijelj i dodao:

“Moje kolege, a nedavno ste čuli i koordinatora za zaštitu prirode i životne sredine Javnog preduzeca, Nemanju Malovrazića, stalno naglašavaju značaj ove tematike za nas. Ja bih posebno podvukao da je zaštita prirode tema koja je među našim prioritetima. Bez ovog rada ne možemo ispuniti standarde Poglavlja 27 na evropskom putu – to nam je obaveza. Kao što smo se izborili sa velikim izazovima – vraćanjem trajektne linije Kamenari–Lepetani, rješavanjem plaža Vektra Boka i Luke Budva, siguran sam da ćemo isto tako riješiti i pitanje nelegalne gradnje i ribolova u zaštićenim zonama. To je naš zadatak”, zaključio je Mikijelj.